Kursus materiaal

<!doctype html>

Untitled Document

Bundels en CD's oor berading

saamgestel deur Prof Wentzel Coetzer

Al die bundels se pryse is R160 met uitsondering van die volgende vier bundels wat heelwat meer bladsye het en wat R180 kos:

  • Trauma berading
  • Eetversteurings
  • Pastorale begeleiding van die emosioneel verwonde jongmens
  • Traumabande

Indien die bundels per pos versend moet word dan is daar ekstra kostes ingesluit. Indien u enige van die bundels wil bestel dan kan u die bedrag oorbetaal in die volgende rekening:

  • Capitec spaar rek no: 1487438425
  • Takkode: 470010 – Potchefstroom
  • Naam van rek: Prof WC Coetzer

U kan dan aan my ‘n epos stuur met bewys van oorbetaling na: Hierdie e-posadres word van Spambotte beskerm. Jy moet JavaScript ontsper om dit te lees.

Vervolgens word 'n lys gegee van die titels van die beskikbare bundels - daar word ook aangedui by watter van die kursusse daar reeds CD en DVD opnames beskikbaar is.

Na hierdie lys met titels volg dan 'n kort uiteensetting van die inhoud van elke bundel asook die pryse van die beskikbare CD's en DVD's. By die beskrywing van elke bundel kan u op 'inhoudsopgawe' klik en dan insae verkry in die volledige inhoud van elke bundel - dit gee dan ook aan u 'n goeie idee van die inhoud van die betrokke kursus.

 

Trauma berading - 4x CD's

Een-dag kursus beskikbaar in stel van 4 CD’s @ R140 plus posgeld

Trauma berading - 8x CD's

Uitgebreide naweek kursus beskikbaar in stel van 8x CD’s @ R280 plus posgeld


Hierdie bundels bevat die lesings van 'n kursus oor traumaberading wat jaarliks aangebied word. Sterk klem word geplaas op emosionele en innerlike genesing as deel van die uiteindelike terapie. `n Terapeutiese gebedsmodel word uiteindelik geformuleer waarvolgens getraumatiseerde slagoffers pastoraal begelei kan word.

Die onderafdelings is die volgende:

  • Verskillende fases van `n traumatiese ervaring
  • Post traumatiese stresversteuring
  • Die rol van snellers (triggers)
  • Dissosiasie, inner child en fragmentasie
  • Liggaamlike probleme agv onverwerkte trauma
  • Gebedsessie
  • Om weer sin te vind
  • Voorbereiding op toekomstige trauma

1. Trauma berading (Inhoudsopgawe)

Eetversteurings - 4x CD's

Een-dag kursus beskikbaar in stel van 4 CD’s @ R140 plus posgeld


 
Hierdie bundel bevat die lesings van `n kursus rondom eetversteurings (anorexia, bulimie, vetsug, kompulsiewe eetgewoontes, ens). Daar word besondere klem gelê op onverwerkte emosionele pyn en trauma uit die verlede as aanleidende faktore in talle gevalle. `n Pastorale beradingsmodel word aan die hand gedoen waarvolgens persone begelei kan word.
 
 
Uitbranding en medelye-moegheid in die bediening - 4x CD's

Een-dag kursus beskikbaar in stel van 4 CD’s @ R140 plus posgeld


 
In hierdie bundel word gefokus op die aanleidende oorsake tot uitbranding asook medelye-moegheid (compassion fatigue) in die bediening. Die problematiek wat behandel en aangespreek word, is van toepassing op geestelike werkers oor die algemeen. Praktiese riglyne word voorgestel en verskillende vraelyste word as bylae aangeheg waarvolgens evaluerings gedoen kan word.
 
 
Uitgebrande beraders (medelye-moegheid en sekondêre trauma) - 4x CD's

Een-dag kursus beskikbaar in stel van 4 CD’s @ R140 plus posgeld


 
Die fokus is hier veral op beraders en persone in die mensgerigte beroepe wat voortdurend besig is om te gee, en in die proses intens betrokke raak by die pyn en seer van andere. Die gevolg is dikwels dat die berader/terapeut self `getraumatiseer', emosioneel gedreineer word en soms ‘n punt van totale moedeloosheid en uitsigloosheid bereik. Praktiese riglyne word voorgestel en verskillendeevaluerings vraelyste word ingesluit.
 
 
Dissosiasie

‘n Stel van twee CD’s beskikbaar @ R70 plus posgeld


In gevalle van erge trauma (veral gedurende die kinderjare) kan `n slagoffer se persoonlikheid fragmenteer of dissosieer tot so `n mate dat `n sub-persoonlikheid in die proses gevorm word (soms ook hierna verwys as die inner child). Hierdie bundel skets die agtergrond en aanleidende omstandighede, en bied dan ook pastorale riglyne vir die begeleiding van so `n gefragmenteerde persoon tot uiteindelike integrasie. Groot klem word geplaas op die rol van gebed.
 

Hierdie bundel bevat `n aantal praktiese riglyne met betrekking tot die proses van pastorale berading oor die algemeen.

Die onderafdelings is die volgende:

  • Basiese beginsels betreffende terapie en pastorale begeleiding
  • Oorgang en persoonlike groei
  • Kognitiewe herstrukturering – vestiging van nuwe denkpatrone
  • Vreugde, plesier, humor en `n geestelike commitment
  • Vestiging van eiewaarde
  • Vergifnis
  • Die vraag na die sin van pyn en lyding
  • Toerusting vir die pyn en seer van more

6. Belangrike riglyne vir die beradingsproses

Hierdie bundel bied pastorale riglyne vir die begeleiding van persone wat worstel met bovermelde situasies en emosies.

Die onderafdelings is die volgende:

  • Die tradisionele benadering met betrekking tot rou
  • Theresa Rando se drie fases van rou en hartseer
  • Weerstand teen die rouproses na traumatiese verliese
  • Depressie
  • Basiese pastorale riglyne om depressie teë te werk
  • Die hantering van woede en angs
  • Riglyne betreffende die vestiging van lewensvreugde
  • Kenmerke van geestelik en emosioneel gesonde persone

7. Rou, depressie, angs, woede en lewensvreugde (Inhoudsopgawe)

Die huwelik

‘n Stel van nege CD’s beskikbaar @ R300 plus posgeld


Hierdie bundel bevat die inhoud van `n kursus rondom huweliksverryking.

Van die belangrikste temas wat hanteer word, is die volgende:

  • Fisiese bagasie uit die verlede
  • Emosionele bagasie uit die verlede - 1
  • Emosionele bagasie uit die verlede - 2
  • Konflikhantering
  • Die emosionele bankrekening
  • Die huwelik as 'n verbond
  • Kommunikasie - 1
  • Kommunikasie – 2
  • As ons twee weer kon trou

8. Die huwelik (Inhoudsopgawe)


In hierdie bundel word daar in diepte gelet op ‘n verskeidenheid van faktore wat ‘n positiewe of negatiewe rol speel met betrekking tot die proses van vergifnis. Aan die hand van talle praktiese voorbeelde word aandag gegee aan die vernietigende effek van bitterheid en onvergewensgesindheid – ook betreffende die impak daarvan op die betrokke persoon se liggaam. Daar word vervolgens gefokus op die verskillende stappe van die rouproses wat soms eers nodig is voordat daar vergewe kan word - daarna word nege stappe van die vergifnisproses aan die orde gestel.
 
In hierdie bundel word die aandag gefokus op verskillende faktore wat kan bydra tot die afplatting van motivering en passie in die bediening. Eerstens word aandag geskenk aan sekere fisiese faktore soos byvoorbeeld die belangrike rol van brein amines (soos oa serotonien vlakke), skildklier en testosteroon/estrogeen wat gebalanseerd en reg moet funksioneer ten einde fisies in staat te wees om jou roeping te kan uitleef. Tweedens word daar gelet op ‘n aantal geestelike aspekte wat ook in plek moet wees ten einde gemotiveerd en gefokus te kan bly. Laastens word eksegese gedoen van ‘n aantal Skrifgedeeltes wat verband hou met volharding, aanmoediging en ‘n positiewe lewensingesteldheid.
 
Die uitdeel van seën - Uitgebreide naweek kursus

Uitgebreide naweek kursus beskikbaar in stel van 7 CD’s @ R250 plus posgeld

Die uitdeel van seën - Een-dag kursus

Een-dag kursus beskikbaar in stel van 4 CD’s @ R140 plus posgeld

Die uitdeel van seën - 'n Stel van ses DVD's

‘n Stel van ses DVD’s beskikbaar @ R300 plus posgeld


Die inhoud van hierdie bundel handel oor wyses waarop mense seën aan mekaar kan uitdeel. Met die uitsondering van die laaste hoofstuk is die res gebaseer op die boek van Gary Smalley en John Trent, The Gift of the Blessing. Hierdie boek is die populêre verwerking van ‘n doktorale verhandeling in Ou Testament. Dit handel eintlik oor ‘n aangrypende tema wat elke Christen gelowige direk raak. Talle mense het die seën misgeloop wat hulle oorspronklik toegekom het – sommige van hulle is op ‘n lewenslange soektog na hierdie seën en allerlei afwykende gedrag is soms die uitvloeisel van so ‘n hartseer situasie. In hierdie bundel word vervolgens gefokus op diebesondere wyse waarop seën in die Bybelse tye oorgedra is. Talle praktiese riglyne word uitgespel waarvolgens hierdie beginsels steeds vandag net so toegepas kan word met dieselfde kragtige resultate binne huwelike, gesinsverhoudings en talle ander interpersoonlike relasies.
 

Genesing van emosionele seer en pyn - vol I

‘n Stel van nege CD’s beskikbaar @ R300 plus posgeld


Hierdie is 'n bundel wat lesings bevat wat in die verlede by verskeie mannekampe en vrouekampe aangebied is. Die deurlopende tema fokus op die genesing van emosionele pyn.

Temas van die onderskeie lesings is die volgende:

  • Algemene areas waar mense emosioneel verwond raak
  • Die rol van vrees - hier word onder andere gefokus op abnormale vrese as uitvloeisel van traumatiese ervarings
  • Die krag van die leuen
  • Ongesonde emosionele bande as gevolg van emosioneel oorweldigende ervarings in die verlede
  • Emosionele pyn rondom seksualiteit
  • Die belangrikheid van vergifnis
  • Hoe hoor ek God se stem?
  • Praktiese riglyne met betrekking tot die handhawing van my genesing op die pad vorentoe

12. Genesing van emosionele seer en pyn - vol I (Inhoudsopgawe)

Ontlonting en nasorg

‘n Stel van vyf CD’s beskikbaar @ R175 plus posgeld


In hierdie bundel word besonder klem gelê op die prosesse van defusing (ontlonting) en debriefing (de-aktivering). Dit gaan gevolglik oor praktiese riglyne met betrekking tot die optrede van die berader op die trauma toneel of kort daarna. Daar word ook gelet op die voorbeeld van ontlonting van bankpersoneel na ‘n bankroof asook op die proses van nasorg en toerusting met die oog op die toekoms.

Die temas van die onderskeie lesings is die volgende:

  • Ontlonting (defusing).
  • De-aktivering (debriefing).
  • Die ontlonting van bankpersoneel na ‘n bankroof.
  • Evaluering en assessering.
  • Hantering van ‘n groot ramp of terreur gebeure
  • Nasorg en toerusting vir die toekoms.
  • Die waarom vraag.

13. Ontlonting en nasorg (Inhoudsopgawe)

Stres en uitbranding

‘n Stel van vier CD’s beskikbaar @ R140 plus posgeld


Die inhoud van hierdie handleiding is grootliks gebaseer op die inhoud van die boek, How to beat burnout, deur Frank Minirth, Don Hawkins, Paul Meier en Richard Flournoy. In hierdie bundel word gekyk na die identiteit van die slagoffers van uitbranding asook die tipiese waarskuwingstekens. Die noueverband tussen uitbranding en bitterheid word bespreek. Daar word verder gelet op die werkoholis asook die obsessiewe-kompulsiewe persoonlikhede wat baie kwesbaar is vir uitbranding. Die fisiese, emosionele en geestelike herstelproses word vervolgens aan die orde gestel. Daar word telkens ook verwys na toepaslike Bybelse riglyne en voorbeelde.
 


Hierdie bundel bevat basies sewe temas wat agtereenvolgens behandel is tydens ‘n Pinksterreeks. Dit gaan om verskillende fasette van emosionele genesing en daar word veral aangetoon hoedat onverwerkte emosionele pyn heel dikwels die blokkasie is tot geestelike groei en geestelike diensbaarheid asook die funksionering van die gawes van die Heilige Gees.

Die temas van die onderskeie lesings is die volgende:

  • Skattejagters
  • Dit tronkdeur is reeds oopgesluit
  • Die oorlog is verby - die oorwinning is behaal
  • Die krag van die leuen
  • Die proses van vergifnis
  • Die stappe van vergifnis
  • Mense wat die skat gevind het

15. Emosionele genesing en Pinkster (Inhoudsopgawe)

Tien fases van die genesingsproses - soos toegepas in die Meier Klinieke

‘n Stel van vyf CD’s beskikbaar @ R170 plus posgeld


In hierdie bundel word 'n genesingsmodel aan die orde gestel wat bestaan uit tien fases waardeur persone begelei kan word tot emosionele en geestelike genesing. Hierdie is ‘n model wat met vrug toegepas kan word op byvoorbeeld die begeleiding van persone met ‘n probleem van mede-afhanklikheid, huweliksprobleme, probleme rondom enige vorm van verslawing (byvoorbeeld substans misbruik, eetversteurings, seksuele verslawing, ens.) asook die hantering van onverwerkte emosionele pyn uit die verlede. Hierdie bundel is basies ‘n verwerking van die boek, Love is a choice, deur die Christen psigiaters, Robert Hemfelt, Frank Minirth en Paul Meier.
 

Die noue wisselwerking tussen die geestelike

‘n Stel van vier CD’s beskikbaar @ R140 plus posgeld


Die fokus in hierdie bundel is veral gerig op die noue verband tussen liggaam, gees en emosies en die implikasies hiervan met betrekking tot pastorale berading.

Die bundel bevat vyf hoofstukke wat kortliks soos volg daar uitsien:

  • Pastorale implikasies van die liggaam/denke verbintenis ‘n Bespreking van die geweldige sterk invloed wedersyds tussen liggaam en denke
  • Die rol van breinbeserings met betrekking tot pastorale berading. Hier gaan dit om die baanbrekerswerk van dr Daniel Amen op die gebied van breinskandering en die implikasies wat dit het vir pastorale berading.
  • Pastorale implikasies betreffende die noue wisselwerking tussen liggaam, gees en emosies. Hierdie hoofstuk is basies ‘n samevatting van die belangrikste aspekte wat behandel word in die uiters belangrike boek, Blue Genes, deur dr Paul Meier et al.
  • Liggaamlike probleme as moontlike uitvloeisels van onverwerkte trauma. Hierdie is ‘n weergawe van ‘n artikel wat ekself en ds Hennie Kotze geskryf het, (wat in kort ‘n samevatting is van sy M-verhandeling) wat gegaan het oor die verband tussen onverwerkte trauma en sekere liggaamlike probleme.
  • Die impak van intergeneratiewe trauma. Die inhoud van hierdie hoofstuk is gebaseer op ‘n gepubliseerde artikel van my wat handel oor die geweldigeimpak van een generasie se onverwerkte trauma op ‘n volgende generasie – in besonder ook wat betrefliggaamlike probleme.

17. Die noue wisselwerking tussen die geestelike, emosionele en fisiese dimensies (Inhoudsopgawe)

Depressie

‘n Stel van vier CD’s beskikbaar @ R140 plus posgeld


Die inhoud van hierdie bundel is gebaseer op die boek,Happiness is a choice, deur Frank Minirth en Paul Meier. Sedert dit in die laat sewentiger jare gepubliseer is, was dit ‘n topverkoper. In die nuutste uitgawe wat in 2007 gepubliseer is, is die jongste wetenskaplike navorsing rondom hierdie tema bygewerk. Telkens word die lyne egter deurgetrek na Bybelse perspektiewe.

Die temas van die onderskeie hoofstukke is die volgende:

  • Wie is diegene wat depressief raak?
  • Wat is die simptome van epressie?
  • Depressie en selfmoord
  • Die rouproses en depressie
  • Die rol van genetika
  • Hoe diep lê die wortels van depressie?
  • Hoof bronne van emosionele pyn
  • Tien stres faktore wat depressie kan bevorder
  • Persoonlikheidsdinamika wat aanleiding kan gee tot depressie
  • Depressie beskou vanuit verskillende hoeke
  • Die hantering van woede
  • Die hantering van angs
  • Wanneer is medikasie en hospitalisasie voordelig?
  • Basiese riglyne vir lewensvreugde
  • Lewensin op die langtermyn

18. Depressie (Inhoudsopgawe)

Die inhoud van hierdie bundel is gebaseer op die boek, What they didn’t teach you in seminary, deur Paul Meier et al. Dit bied ’n aantal praktiese riglyne vir die Christelike werker en sy/haar gesin rondom rondom ’n aantal aktuele kwessies wat almal raak wat in voltydse bediening betrokke raak.

Temas wat aan die orde kom, is oa die volgende:

  • Die realiteit van voltydse bediening
  • Elf harde feite betreffende die bediening
  • Eksterne en interne stres
  • Die impak van die bediening op die huweliks- verhouding
  • Die impak van die bediening op gesinsverhoudinge
  • Wie sal omsien na die leraar?
  • Riglyne vir gesondheid en heelheid
  • Evaluering van ‘n gebalanseerde lewensstyl
  • Die verhouding tussen uitbranding en balans

19. Geestelike en emosionele gesondheid van die Christelike werker (Inhoudsopgawe)

Hospitaal Pastoraat

‘n Stel van vier CD’s beskikbaar @ R140 plus posgeld


In hierdie kursus word veral gefokus op die volgende aspekte:

  • Treurberading
  • Tipiese roufases asook treurtake
  • Manifestasies van gekompliseerde smart
  • Psigiese ervarings van die sterwende
  • Die gesprek met die sterwende
  • Die pastorale begeleiding van die terminale pasiënt
  • Die sterwensfases
  • Die sterf proses
  • Persoonlike belewenisse rondom die dood asook die rouproses

20. Hospitaal Pastoraat (Inhoudsopgawe)

Grense - waar om die lyn te trek in interpersoonlike verhoudinge - Vol 1

‘n Stel van vier CD’s beskikbaar @ R140 plus posgeld


Hierdie is die eerste gedeelte van ‘n kursus wat uit twee dele bestaan en wat gebaseer is op die boek, Boundaries, deur Henry Cloud en Johan Townsend.

Van die belangrikste aspekte wat in hierdie eerste deel aan die orde kom, is die volgende:

  • 'n Lewe sonder grense
  • Wat is grense?
  • Probleme rondom grense
  • Hoe word grense ontwikkel en gevestig?
  • Sewe wette betreffende grense
  • Algemene mites betreffende grense
  • Grense en jou familie
  • Grense en jou vriende

21. Grense – waar om die lyn te trek in interpersoonlike verhoudinge - Vol 1 (Inhoudsopgawe)

Grense - waar om die lyn te trek in interpersoonlike verhoudinge - Vol 2

‘n Stel van vier CD’s beskikbaar @ R140 plus posgeld


Hierdie is die tweede gedeelte van ‘n kursus wat uit twee dele bestaan en wat gebaseer is op die boek, Boundaries, deur Henry Cloud en John Townsend.

Van die belangrikste aspekte wat in hierdie tweede deel aan die orde kom, is die volgende:

  • Grense en jou huweliksmaat
  • Grense en jou kinders
  • Grense en jou werk
  • Grense en jouself
  • Grense en God
  • Weerstand teen grense
  • Vordering betreffende die daarstelling van grense

22. Grense – waar om die lyn te trek in interpersoonlike verhoudinge - Vol 2 (Inhoudsopgawe)

Verwerping - Stel van vyf CD's

‘n Stel van vyf CD’s beskikbaar @ R180 plus posgeld

Verwerping - Stel van vier DVD's

‘n Stel van vier DVD’s beskikbaar @ R200 plus posgeld


In hierdie kursus word vanuit verskillende hoeke gekyk na die basiese proses wat gewoonlik die emosionele belewenis van verwerping voorafgaan.

Die hoofstukke sien kortliks soos volg daar uit:

  • Dit het nog nooit gevoel asof iemand my ooit lief gehad het nie - Fred Littauer
  • Die hoof bronne van toksiese skaamte (shame) en verwerping - John Bradshaw
  • Hoof oorsake van emosionele verwonding en verwerping – Gregory Jantz
  • Die prestasie slagyster – David Seamands

23. Verwerping (Inhoudsopgawe)

Aborsie

‘n Stel van vier CD’s beskikbaar @ R140 plus posgeld


In hierdie kursus word aandag geskenk aan genoemde drie aspekte en pastorale riglyne vir die begeleiding van persone wat hierdeur geraak is, word aan die orde gestel.

Belangrike temas in hierdie verband is die volgende:

  • Die fase tussen konsepsie en geboorte
  • Emosionele bande en kinders gebore na die krisis
  • Die invloed van aborsie op mans – deel 1
  • Die invloed van aborsie op mans – deel 2
  • Die emosionele effek van aborsie
  • Die belangrikheid van self-vergifnis
  • Om voorwaarts te beweeg

24. Aborsie, miskraam en stilgeboorte (Inhoudsopgawe)

Verkragting

‘n Stel van vier CD’s beskikbaar @ R140 plus posgeld


In hierdie kursus word aandag geskenk aan genoemde drie aspekte en pastorale riglyne vir die begeleiding van persone wat hierdeur geraak is, word aan die orde gestel.

Belangrike temas in hierdie verband is die volgende:

  • Inleiding, definisies en statistieke
  • Verskillende fases van misbruik
  • Eerlikheid en vergifnis
  • Simptome wat sou kon dui op interfering met seksualiteit
  • Konfrontering van die oortreder
  • Hantering van die trauma asook die geestelike begeleiding van slagoffers

25. Verkragting, molestering en bloedskande (Inhoudsopgawe)

Seksuele verslawing

‘n Stel van vier CD’s beskikbaar @ R140 plus posgeld


Aspekte waarop gefokus word in hierdie kursus is onder andere die volgende:

  • Wat is seksuele verslawing?
  • Die distorsie rondom manlike seksualiteit
  • Vyf fases van begeleiding van verslaafdes
  • Die invloed van pornografie op seksualiteit binne die huwelik
  • Verslawing aan internetseks
  • Die invloed van internet pornografie op Christen vroue
  • Behandeling vir seksuele verslawing

26. Seksuele verslawing (Inhoudsopgawe)

Hierdie bundel is basies die samevatting van ‘n kursus wat saamgestel is vir hospitaal personeel wat hulself bevind in ‘n voortdurende interaksie met pasiënte by wie daar trauma en krisisse is. Dit lei tot ‘n dreinering van emosionele en psigiese bronne, medelye-moegheid asook uitbranding. Hierdie proses is uiteraard ook aan die orde in talle ander mensgerigte beroepe.

Die aspekte wat in hierdie kursus behandel is, is die volgende:

  • Grense en selfhandhawende gedrag
  • Die belangrikheid van te luister
  • Konflikhantering
  • Kommunikasie
  • Medelye-moegheid en sekondêre traumatiese stres
  • Uitbranding
  • Kognitiewe herstrukturering
  • Nasorg en toerusting vir die toekoms
  • Riglyne vir gesondheid en heelheid
  • Lewensvervulling vanuit die betrokkenheid by andere se genesingsproses

27. Emosionele paraatheid en kommunikasie vaardighede (Inhoudsopgawe)

Toksiese godsdiens

‘n Stel van vier CD’s beskikbaar @ R140 plus posgeld


In hierdie bundel word daar dus gefokus op die oënskynlike paradoks van godsdiens wat enersyds binne sekere kontekste ‘n helende en bevrydende rol kan vervul, veral wanneer dit op gebalanseerde en gesonde wyse beoefen word en waar die motief daaragter suiwer en opreg is; en andersyds die gevaarkant van godsdiens - met ‘gevaar’ word in hierdie konteks dan bedoel dat daar dieperliggende onverwerkte emosionele pyn aanwesig mag wees wat uiteindelik as dryfveer kan dien tot ontvlugting in oordrewe godsdienstige aktiwiteite. Die werklike pyn word nooit hanteer nie en deur middel van die stiptelike onderhouding van ’n magdom geestelike wette en reëls word daar eintlik net meer pleisters en verbande op ’n septiese wond geplaas. Die finale resultaat van so ’n proses kan dan godsdienstige verslawing impliseer waar mense uiterlik gelukkig voorkom, maar innerlik met ’n magdom van seer en pyn worstel. Praktiese riglyne vir die pastorale begeleiding van sulke verwonde persone tot ware heling word dan ook aan die orde gestel.

 

28. Toksiese godsdiens (Inhoudsopgawe)

Vaderhart van God - Jack Frost se verhaal

‘n Stel van sewe CD’s beskikbaar waarin Jack self sy verhaal vertel@ R250 plus posgeld


Die inhoud van hierdie bundel is gebaseer op twee boeke van Jack Frost tw. From slavery to sonship en Experiencing Father's embrace. Toe Jack Frost in 2007 oorlede is, was hy aan die hoof van 'n internasionale bediening met versoening tussen ouers en kinders as primêre oogmerk. Nadat Jack in 'n disfunksionele huis opgegroei het, het hy op 'n laat stadium in sy lewe radikaal tot bekering gekom en het hy totale oorwinning verkry oor drank, dwelms en pornografie. Na sy bekering was daar egter nog 'n groot stuk emosionele pyn wat verband gehou het met die omstandighede waarbinne hy opgegroei het, en hierdie kursus behels basies 'n beskrywing van die proses van emosionele genesing asook versoening met sy ouers 'n hele aantal jare na sy bekering. Deur Jack se verhaal heen word belangrike beradings beginsels telkens aan die orde gestel - veral betreffende die tema van 'toksiese godsdiens' waar iemand deur middel vanoordrewe godsdienstige praktyke probeer kompenseer vir 'n innerlike emosionele vakuum.

Die hoofstukke in hierdie bundel sien kortliks soos volg daar uit:

  • Jack se verhaal
  • Die ingesteldheid van 'n weeskind
  • Op wie se missie is jy?
  • Geen kindskap, geen erfenis
  • Weeskind of kind van die Vader?
  • Om jou roete terug te vind huistoe
  • Wie se seun of dogter is jy?
  • Konklusie

29. Vaderhart van God - Jack Frost se verhaal (Inhoudsopgawe)

Hoogtepunte uit die Nashville konferensie

‘n Stel van vier CD’s beskikbaar @ R140 plus posgeld


In hierdie kursus word daar opsommenderwys gefokus op belangrike aspekte vir die pastoraat vanuit ‘n aantal lesings wat gelewer is tydens dieInternasionale konferensie van die AACC gedurende Sept 09 in Nashville, VSA.

Dit sluit in die volgende

  • Dr Karl Benzio (Christen psigiater): Addictions: sin or disease? Holistic model to understand and cure addictions.
  • Dr Scott Floyd: Trauma and spirituality: how trauma impacts spiritual functioning and spiritual interventions for trauma survivors.
  • Dr Josh Straub: Attachment based theory: the antidote to trauma.
  • Dr Paul Meier (Christen psigiater): Correctable genetic factors in your clients that can effect their recovery.
  • Christopher & Rahnelle Adsit & Paul Rodgers: Healing the deep wounds of combat trauma/PTSD.

30. Hoogtepunte uit die Nashville konferensie van die American Association of Christian Counselors – Sept 2009 (Inhoudsopgawe)

Intergeneratiewe trauma

‘n Stel van vier CD’s beskikbaar @ R140 plus posgeld


Die problematiek rondom intergeneratiewe trauma hou verband met die feit dat ouers dikwels deur intense trauma gaan sonder die nodige hulp en begeleiding daarna - die kinders en kleinkinders wat dan binne so ‘n familie opgroei, word uiteindelik op talle wyses geraak deur die impak van hierdie onverwerkte trauma. In so ‘n familie kan dit dan uiteindelik gaan om ‘n magdom van verborge of “geheime” trauma wat nie geverbaliseer is nie, en wat op een of ander wyse aangegee word na die volgende geslag, vanaf ouer na kind, of vanaf grootouer na kind, na kleinkind

Aspekte wat aan die orde kom, is die volgende:

  • Inleiding en definiëring
  • Die oordrag van intergeneratiewe trauma
  • Dinamika van die gesin
  • Murray Bowen se bydrae
  • Ongesonde emosionele bande
  • Moontlike invloede op die fetus
  • Riglyne vir ‘n nagmaals-geleentheid
  • ‘n Voorgestelde pastorale model

31. Intergeneratiewe trauma (Inhoudsopgawe)

Self-mutilerende gedrag

‘n Stel van vyf CD’s beskikbaar @ R170 plus posgeld


Hierdie is ‘n epidemie wat besig is om toe te neem onder jongmense. Vir talle word dit die wyse waarop hulle ontvlug van emosionele pyn aangesien dit tydelike verligting bied. As gevolg van die afskeiding van pynstillende chemiese bestanddele in die brein lei dit egter tot verslawing. In hierdie kursus kyk ons na die pastorale begeleiding van diegene wat hier vasgeval het.

Aspekte waaraan aandag gegee word, is die volgende:

  • Die belangrikheid van ‘n holistiese benadering
  • Aktualiteit en statistieke
  • Definiëring en terminologie
  • Redes waarom jongmense self-mutilering toepas
  • Tekens wat sou kon dui op ’n probleem
  • Die belangrike rol van emosies
  • Dinamika van die proses
  • Praktiese riglyne en behandelingsprogram
  • Pastorale perspektiewe
  • Wees voorbereid op terugvalle

32. Self-mutilerende gedrag (self-sny) (Inhoudsopgawe)

Die pastoraat en breinfunksies

‘n Stel van vier CD’s beskikbaar @ R140 plus posgeld


Hierdie kursus is gebaseer op die boek, Change your brain, change your life, deur dr. Daniel Amen, ’n psigiater wat spesialiseer in breinskandering. Persoonlik het hy reeds meer as 40,000 pasiënte geëvalueer die afgelope aantal jare en hy word beskou as een van die persone wat tans op die voorpunt is van navorsing op die terrein van psigo-neurologie. Hy beskryf die brein dan ook as sy ‘sendingveld’. Waar emosionele en gedragsprobleme in die verlede grootliks toegeskryf is aan psigologiese probleme, toon sy navorsing dat dit in talle gevalle eerder verband hou met die fisiologie van die brein, en kan die fisiologie by ‘n groot persentasie van hierdie gevalle verander word deur die nodige behandeling. Hy toon ook aan hoedat selfs geringe traumatiese brein beserings mense se lewens totaal negatief kan verander. Dr. Amen werk ten nouste saam met pastorale beraders soos onder andere dr Mark Laaser, wat ‘n outoriteit is met betrekking tot die terrein van seksuele verslawing. Dr. Laaser sê dat hulle met behulp van breinskandering ‘n duideliker diagnose kan maak en meer gefokusde medikasie kan toedien ten opsigte van enige vorm van verslawing en dat dit in talle gevalle gelei het tot deurbrake vir sommige pasiënte met wie hy vantevore moeilik gevorder het. In die kursus kyk ons na ’n groot aantal praktiese gevalle wat suksesvol deur dr. Amen behandel is – gevalle waar daar vantevore met behulp van berading asook ’n verskeidenheid van andere benaderings geen deurbraak was nie.

 

33. Die pastoraat en breinfunksies (Inhoudsopgawe)

Genesing van emosionele seer en pyn - vol II

‘n Stel van ses CD’s beskikbaar @ R210 plus posgeld


In hierdie bundel word verder gefokus op verskillende areas van emosionele pyn. Talle praktiese voorbeelde word gemeld van persone wat vir jare vasgevang was in situasies van emosionele gebondenheid en dan uiteindelik vryheid ervaar het in Christus Jesus.

Die hooftemas is die volgende:

AFD A: AANVULLENDE INTERAKSIE TUSSEN PSIGOLOGIE EN PASTORAAT

  • Mede-afhanklikheid en ons siening van God
  • Die ‘ware ons’ en hoedat ons onsself vind
  • Ons genepoel kan ons ‘n versteurde visie van God gee
  • Ons beskouing van god beïnvloed ons lewensin en lewensvreugde
  • Narsisme kan ons visie van God verdraai
  • Psigologie en pastoraat kan mekaar aanvul

AFD B: GENESING VAN EMOSIONELE PYN

  • Skattejagters
  • Die tronkdeur is reeds oopgesluit
  • Die oorlog is verby – die oorwinning is behaal
  • Emosionele en geestelike groei
  • Mense wat die skat gevind het

34. Genesing van emosionele seer en pyn – vol II (Inhoudsopgawe)

Hantering van verlies

‘n Stel van vier CD’s beskikbaar @ R140 plus posgeld


Hierdie bundel grootliks gebaseer op die boek, Helping those in grief, deur Norman Wright. Verder word daar ook gebruik gemaak van stof wat aangebied is tydens die Internasionale Konferensie van die AACC in Nashville in 2009 in ’n lesing deur Jennifer Cisney en Kevin Ellers, twee trauma terapeute, in ’n treffende gesamentlike lesing met die titel, Lost grievers: helping hurting people through unrecognized losses.

Aspekte wat in hierdie bundel aan die orde gaan kom is onder andere die volgende:

  • Verliese waaroor daar nie gerou is nie
  • Die verlies van ’n droom
  • Verlies na ’n beroerte aanval
  • Die verlies van identiteit (byvoorbeeld na ’n beroerte-aanval)
  • Die verlies van ’n troeteldier
  • Verliese na ’n egskeiding
  • Verliese na die dood van ’n eks-huweliksmaat
  • Verliese gekoppel aan die leë-nes-sindroom
  • Die afwesigheid van ’n ritueel of ’n seremonie
  • Die belangrike onderskeid tussen instrumentele en intuïtiewe treurendes – help persone om hul rou-patrone te ontdek
  • Traumatiese rou-reaksies
  • Die belangrikheid van dubbelsinnige/tweevoudige verlies (ambiguous loss)
  • Pastorale riglyne ten einde diegene te begelei wat worstel met onverwerkte verliese

35. Hantering van verlies (Inhoudsopgawe)

Pastorale begeleiding van die emosioneel verwonde jongmens

‘n Stel van agt CD’s beskikbaar @ R280 plus posgeld


Talle volwassenes loop rond met maskers in ’n poging om die dam van pyn te verberg wat net onder die oppervlakte van hul gemoedere versteek lê. Hierdie pyn hou so dikwels verband met gebeure wat reeds voorgeboortelik of andersins op ’n baie vroeë stadium in hul lewens plaasgevind het. Omdat dit nooit hanteer is nie, het dit uiteindelik soos ’n septiese wond geword waarop mettertyd die een pleister na die ander geplak is. Die negatiewe gevolge het egter gaandeweg, hetsy op fisiese, emosionele of geestelike terrein bly akkumuleer. Vanuit ’n Pastorale hoek gesien, is daar egter antwoorde en oplossings en dit is dan ook die fokus van hierdie bundel. Eerstens word die probleem vanuit verskillende hoeke beskou en gedefinieer, en vervolgens word daar dan gelet op praktiese riglyne wat kan lei tot heling, restourasie en vryheid.

Die inhoud van hierdie bundel dek die volgende hoof areas:

  • Hfst 1: Inleiding
  • Hfst 2: Integrasie van verskillende benaderings
  • Hfst 3: Wat is emosionele verwonding/misbruik?
  • Hfst 4: Pyn begin reeds ver in die verlede
  • Hfst 5: Probleem areas en oorsake
  • Hfst 6: Die impak van trauma op die brein
  • Hfst 7: Die gevolge van emosionele verwonding
  • Hfst 8: Areas waar onverwerkte pyn manifesteer
  • Hfst 9: Eienskappe van ’n goeie helper
  • Hfst 10: Praktiese riglyne
  • Hfst 11: ’n Aantal beradingsmodelle en terapeutiese vertrekpunte – I
  • Hfst 12: ‘n Aantal beradingsmodelle – II
  • Hfst 13: Praktiese riglyne vir die pad vorentoe
  • Hfst 14: ’n Voorgestelde pastorale model
  • Bylaag A: Simptome van die emosioneel verwonde persoon
  • Bylaag B: Moontlike aanduidings van verwerping
  • Bylaag C: Agtergrond inventaris
  • Bylaag D: My identiteit in Christus

36. Pastorale begeleiding van die emosioneel verwonde jongmens (Inhoudsopgawe)

Jan Frank is ’n gelisensieerde huwelik, gesin en kinder berader in die VSA. Sy is die stigter van die organisasie, Free to Care Ministries, waar sy reeds vir ongeveer 30 jaar besig is met opleiding en toerusting van professionele persone, leraars en leke beraders met die oog op ondersteuningsgroepe vir slagoffers van seksuele misbruik. Hierdie bundel is gebaseer op die inhoud van haar boek, Door of hope. As iemand wat persoonlik geraak is deur bloedskande gee sy in hierdie boek ’n uiteensetting van ’n tien-fase genesingsmodel wat van toepassing is op emosionele verwonding en trauma oor die algemeen. Sy en haar man, Don, het ook die boek, When victims marry, geskryf en hulle tree by seminare en konferensies oor die VSA op.

Die tien-fase genesingsmodel wat sy voorstel, behels kortliks die volgende:

  • Genesing van emosionele wonde
  • Stap 1: Konfronteer die probleem
  • Stap 2: Herroep die insident
  • Stap 3: Ervaar die gevoelens
  • Stap 4: Identifiseer en vestig verantwoordelikheid
  • Stap 5: Identifiseer gedragsprobleme en simptome
  • Stap 6: Hou andere dop en onderrig jouself
  • Stap 7: Konfronteer die aggressor
  • Stap 8: Gee erkenning aan vergifnis
  • Stap 9: Herbou selfbeeld en verhoudings
  • Stap 10: Reik uit en betoon empatie met andere
  • Bylaag A: Waarskuwing seine wat sou kon dui op molestering

37. Jan Frank se tien-fase genesingsmodel (Inhoudsopgawe)

Hfst 1: basiese vertrekpunte ten opsigte van getraumatiseerde kinders

Hfst 2. Verskillende tipes intervensies vir kinders

  • Die terapeutiese waarde van teken
  • Spesifieke tekentake vir trauma ontlonting en intervensie
  • Om te werk met kinders wat fisies en seksueel misbruik is

Hfst 3: Die vernietigende effek van kinderjare trauma Die belangrike bydrae van die Adverse Childhood Experience Study

  • Die liggaam as ‘n holistiese geheel
  • Die moontlike verband tussen negatiewe kinderjare ervaringe en die rook gewoonte
  • Die moontlike verband tussen negatiewe kinderjare ervaringe en die misbruik van alkohol
  • Trauma gedurende die kinderjare en latere fisiese probleme

Hfst 4: Die lewenskrisis skaal van Holmes & Rahe vir kinders en jongmense

Hfst 5: Praktiese aspekte in die berading van kinders

Bylaag A: aftakelende kinderjare ervaringe - AKE telling

 

38. Pastorale begeleiding van getraumatiseerde kinders (Inhoudsopgawe)

Tot en met die sestiger jare was daar ‘n sterk denkstroom wat die standpunt gehuldig het dat jong kinders nie werklik in staat is om emosies van rou te ervaar nie. Latere navorsing het egter al meer die teendeel begin bewys en ‘n algemene uitspraak wat sedertdien deur talle gehuldig word, is: “Anyone old enough to love, is old enough to mourn.”

Teen hierdie agtergrond word daar in hierdie kursus onder andere op aspekte soos die volgende gefokus:

  • Die invloed van belangrike oorgangsgebeure en verliese soos verhuising, egskeiding en die dood.
  • Risiko faktore ten opsigte van aanpassing na verliese.
  • Patologiese, gekompliseerde of traumatiese rou by kinders.
  • Kort termyn energie ontladings gedrag.
  • Die dood van ‘n troeteldier of ‘n grootouer.
  • Praktiese riglyne betreffende die rouproses.
  • Praktiese riglyne ten opsigte van geloofsaspekte.

39. Hartseer, verlies en die rouproses by kinders (Inhoudsopgawe)

Pa-wonde en Pa-honger

‘n Stel van vier CD’s beskikbaar @ R140 plus posgeld


Oral waar ons rondom ons kyk (en ook in onsself) sien ons ‘Pa-wonde’ en ‘Pa-honger’. Pyn vanuit die verlede met betrekking tot ons verhoudings tot ons vaders is dikwels die oorsaak dat talle Christene worstel met ‘n verdraaide Godsbeeld en dit gevolglik baie moeilik vind om God die Vader intiem en naby te ervaar. Om ‘n gesonde beeld van Hom te kan ervaar, sal ons dus eers ontslae moet raak van al die gebroke ‘vader-filters’ wat meeste van ons met ons saamgedra het die volwasse lewe in.

In hierdie kursus fokus ons op hierdie tema, onder andere vanuit die volgende perspektiewe:

  • Die deurslaggewende rol van die Pa
  • Geestelike en emosionele vaderskap
  • Die belangrikheid van insig ten opsigte van jou Pa se eie verhaal (jou Pa is ‘in jou’)
  • Emosionele vrylating uit ‘tronke’
  • Om jou vaderverhouding te herbou
  • Die Pa wat jy altyd graag wou gehad het

40. Pa-wonde en Pa-honger (Inhoudsopgawe)

Moeder-wond

‘n Stel van vier CD’s beskikbaar @ R140 plus posgeld


Hierdie kursus handel oor die pyn van seuns / mans en dogters / vroue wat opgegroei het in huise waar die Moeder geworstel het met onverwerkte emosionele pyn en/of trauma vanuit haar kinderjare wat nooit hanteer is nie. Hierdie emosionele bagasie het sy met haar saamgedra in haar huwelik in en dit uiteindelik geprojekteer op haar kinders. Daar word enersyds gelet op die tipiese simptome van hierdie Moeder Wond, en andersyds op ‘n aantal riglyne ter genesing van diegene wat direk geraak is. Die belangrikste aspekte wat hanteer word tydens hierdie aanbieding is die volgende:

  • Wat is die Moeder-wond?
  • Identifisering van die Moeder-wond
    • Die intens narsistiese Moeder
    • Die Moeder wat oormatig verstrengel is (enmeshed)
    • Oormatige kontrole en beheer (control freak)
  • Genesing van die Moeder-wond
    • Erkenning te gee aan pynlike gevoelens
    • Hantering van woede en hartseer
    • Pastorale perspektiewe

41. Die Moeder-wond (Inhoudsopgawe)